Бендевска и нејзината партија повторно против КЦ „Иван Михајлов“

Facebook статус на Љупчо Ѓорѓиевски

Откако партијата на Весна Бендевска ги помилува најголемите криминалци во Република Северна Македонија, истата таа партија сега агресивно се сврте против нашиот клуб, покажувајќи јасна нетрпеливост кон бугарскиот народ во Македонија. Овој политички пресврт е класичен пример на манипулација со институциите, со цел да се прикријат реалните проблеми во државата преку етничка конфронтација. Наместо да се справува со вистинските предизвици и криминалот во земјата, се води напад врз нашата културна и национална историја, што е неприфатливо.

Во врска со нејзиното влијание врз јавното обвинителство и вмешаноста во затворањето на Бугарскиот клуб во Битола, е неоснована и манипулативна. Неправилното искористување на институциите за пресметка со организации врз основа на национални и културни прашања е опасен преседан. Ако обвинителството се користи како алатка за политички или националистички интереси, тоа е директен удар врз демократијата и правниот поредок до државата.

Нејзината улога во известувањето на јавното обвинителство, заедно со барањата за санкции, покажува тенденција кон политичко и правно потиснување на бугарската заедница. Овие дејствија се класично изразување на омраза и ја продлабочуваат етничката тензија и можат да се перцепираат како обид за гушење на културните права на еден значаен дел од македонското општество.

Сметаме дека ова е јасен пример на политички притисок преку конструиран судски процес, наметнат врз нашиот клуб. Нападите од страна на партијата на Весна Бендевска, кои дојдоа откако ги помилуваа најголемите криминалци во државата, служат за дефокусирање од вистинските проблеми во општеството. Оваа акција претставува еден намерен обид за замолчување на културните и националните карактеристики и аспирации на бугарската заедница во Македонија, користејќи ги судските органи како инструмент за политичка пресметка.

Постојаниот административен притисок врз претставниците на македонските Бугари, како и неселективната злоупотреба со судските постапки против нив, е најубедливиот аргумент во прилог на итната потреба од уставни гаранции за нашите нарушени колективни права.