Лектори по бугарски јазик од 14 земји се собираат на конференција во Виена

Лектори по бугарски јазик од 14 земји се собираат на конференција во Виена под покровителство на потпретседателката на Бугарија Илијана Јотова, јавува БНР.

Јотова денеска ќе го открие најголемиот настан со претставници на бугарските лекторати по бугарски јазик и култура во странски универзитети.

Бугарскиот културен институт „Дом Витгенштајн“, со поддршка на бугарската амбасада во Австрија, е организатор на десеттата меѓународна конференција за студенти и докторанти по бугаристика, како и нивни предавачи.

Застапени се 25 универзитети, претежно од Европа, но и од Јапонија и Индија.

Потпретседателката Илијана Јотова вчера се сретна со претставници на петте бугарски неделни училишта во Австрија.