Почнуваат археолошките истражувања во средновековниот град Русокастро во јужниот дел на Бугарија

Почнуваат археолошките ископувања за 2025 г. на средновековниот град Русокастро.Тие се организираат од страна на Регионалниот историски музеј – Бургас, јавува БГНЕС. Во текот на оваа археолошка сезона се планира целосно истражување на западниот ѕид од тврдината на средновековниот град. Ѕидот е долг 300 метри, од кои досега се истражени околу 200 метри и 5 кули. По неговото целосно откривање, се предвидува изработка на проект за конзервација, реставрација и експонирање, соопштија од РИМ-Бургас.

За 2025 година е обезбедено финансирање од Општина Камено во висина од 50.000 лева, од Министерството за култура – 63.000 лева и од Советот на министри на Република Бугарија – 100.000 лева. Русокастро е прогласен за приоритетен археолошки објект кој се истражува за потребите на националниот туризам.

Тимот на Бургаскиот музеј изразува благодарност кон сите волонтери кои покажаа желба да работат заедно со археолозите во текот на претстојните летни месеци на откривањето на најголемиот бугарски средновековен град во Јужна Бугарија.