Алиу: Вештачката интелигенција и управувањето со кадарот – клучни теми за иднината на здравството
Министерот за здравство, Азир Алиу, денеска се обрати на Симпозиумот на лекарските комори од Централна и Источна Европа, што се одржува во Скопје во организација на Лекарската комора на Република Северна Македонија. На настанот присуствуваа претставници од повеќе европски земји.
„Примената на вештачката интелигенција во здравството има навистина голем потенцијал за унапредување на здравствената заштита. Не помалку важна е и темата за планирање и управување со здравствениот кадар, бидејќи тој е најзначајниот ресурс во здравството,“ истакна министерот Алиу.
Тој изрази очекување дека заклучоците од симпозиумот ќе имаат практична примена во иднината.
„Уверен сум дека овој симпозиум ќе придонесе за подобри услови за работа на лекарите и поквалитетно лекување за пациентите“, додаде Алиу.
