Општина Плевен го одликуваше со почесна плакета бугарскиот поет и публицист Марин Георгиев по повод неговата 80-та годишнина
Општина Плевен оваа недела му додели почесна плакета и поздравен адрес на истакнатиот публицист, преведувач и издавач Марин Георгиев по повод неговата 80- годишнина. Признанието му го врачи градоначалникот на градот Плевен д-р Валентин Христов.
„За мене е чест од свое име и од името на плевенските граѓани да Ви ја честитам 80-годишнината и да ја изразиме нашата почит кон Вашиот животен и творечки пат“, изјави Христов, нагласувајќи ја врската на Георгиев со родниот крај.
Георгиев се заблагодари за признанието и остави порака во Почесната книга на градот, донирајќи и примероци од свои книги.
Марин Георгиев е роден во селото Биволаре, Плевенско, дипломирал бугарска филологија на ВТУ „Браќа Кирил и Методиј“ и е автор на над 20 книги. Носител е на повеќе домашни и меѓународни награди, меѓу кои и „Про Култура Хунгарика“ (2001).
Тимот на порталот „Трибуна“ му упатува честитки на Марин Георгиев по повод добиеното признание.
Фото: Општина Плевен
