Од 31 јули до 9 август ќе се одржи Џез фестивалот во Банско, Бугарија
Најголемиот џез фестивал во Бугарија ќе се одржи од 31 јули до 9 август во Банско, со учество на музичари од 20 земји и вкупно 83 концерти на четири сцени и три дополнителни џез точки, јавува Пиринско.
„Го продолживме времетраењето, ги проширивме сцените и вклучивме повеќе меѓународни артисти, задржувајќи го силното присуство на бугарските џез музичари“, изјави Илијана Иванова од „Фестивалите во Бугарија“.
Фестивалот ќе биде отворен на 31 јули со Антони Дончев и Биг-бендот на Бугарското национално радио, а затворањето ќе биде со Васил Петров и Плевенската филхармонија, како и со концерт на трубачот Авишаи Коен.
Во програмата се најавени настапи на Тим Гарланд со трио, Били Кобам со формацијата „Time Machine“, Игор Вилкокс, Живко Петров и Христо Вичев со заеднички проект, како и оркестарот на Алаин Перез. Ќе настапат и Антонио Фарао, Чико Фримен и Морди Фербер.
Фестивалот ќе ја вклучи и „Банско џез академија“ за млади музичари, како и проширена Младинска сцена, каде ќе настапат нови генерации џез изведувачи.
