Познат предлог-составот на владата што ќе биде предводена од Румен Радев

Претседателката Илијана Јотова му го врачи првиот мандат за составување влада на Румен Радев, кандидат за премиер од Прогресивна Бугарија, по консултациите со парламентарните групи во 52. Народно собрание, јавува БГНЕС.

Јотова изјави дека граѓаните ѝ дале силна поддршка на политичката сила на Радев и изрази очекување за стабилно управување, сигурност во социјалните исплати, навремено донесување на буџетите за 2026 и 2027 година и развој на економијата, енергетиката и бизнисот.

Радев го прифати и веднаш го врати мандатот со предложен состав на влада. Тој изјави дека граѓаните на последните избори ставиле крај на политичката криза и дале мнозинство за стабилни институции.

Според предлогот, владата ќе има четворица вицепремиери и 18 министри. Радев посочи дека новата структура има едно министерство помалку со цел оптимизација на работата на владата и забрзување на дигитализацијата.

Предлог-состав на владата на Румен Радев

Премиер – Румен Радев

Вицепремиер – Атанас Пеканов

Вицепремиер – Иво Христов Петров

Министер за економија, инвестиции и индустрија и вицепремиер – Александар Пулев

Министер за внатрешни работи – Иван Демерџиев

Министер за финансии и вицепремиер – Г’л’б Донев

Министер за одбрана – Димитар Стојанов

Министер за надворешни работи – Велислава Петрова-Чамова

Министер за правда – Николај Надејнов

Министер за иновации и дигитална трансформација – Иван Василев

Министер за енергетика – Ива Петрова

Министер за транспорт и врски – Георги Пеев

Министер за регионален развој и јавни работи – Иван Шишков

Министер за животна средина и води – Росица Карамфилова

Министер за земјоделство и храна – Пламен Абровски

Министер за труд и социјална политика – Наталија Ефремова

Министер за здравство – Катја Ивкова

Министер за образование и наука – Георги В’лчев

Министер за култура – Евтим Милошев

Министер за туризам – Илин Димитров

Министер за млади и спорт – Енчо Керјазов