„Малешево пее и танцува“ повторно ќе ги обедини ритмите и традициите под Малешевската Планина

Веќе се познати датумите за 21. издание на Меѓународниот фолклорен фестивал „Малешево пее и танцува“, кој се одржува на сцената во селото Микрево во Бугарија, пишува Пиринско.

Оваа година музичкиот симбол на општина Струмјани ќе се одржи на 2, 3 и 4 октомври, кога повторно на едно место ќе собере талентирани изведувачи, танчери и музичари од Бугарија и од странство. Се очекуваат незаборавни фолклорни изведби, автентични обичаи и пријателска атмосфера која ќе ги обедини културите и срцата на сите учесници и гости.

Цело Малешево со нетрпение го очекува овој неверојатен и емотивен фестивал, кој се претвори во уникатен културен мост. Со магијата на песната и танцот ги преминува границите и растојанијата и остава длабока емоционална трага во срцата на љубителите на автентичниот фолклор и традиции.

Фолклорните музички напеви, прекрасните бои на народните носии, талентот на пејачите, музичарите и танчерите ја воодушевуваат публиката речиси две децении. Илјадници членови на културно-уметнички друштва од Бугарија и странство ќе го демонстрираат својот талент преку музика, песни и танци.

За фестивалот да го претворат во незаборавна емоција за сите што ќе се допрат до неговата магија. Затоа што Малешево не само што пее и танцува, туку пее и танцува од срце и душа. Токму затоа продолжува да инспирира и воодушевува сѐ повеќе љубители на фолклорот. Заслугата за тоа е и на раководството на општина Струмјани, кое го прави и невозможното за да постои овој празник за сетилата.