„Мечот на надежта“ организиран од фондацијата „Стилијан Петров“собра речиси 350 000 евра за борбата против онколошките заболувања

„Мечот на надежта“, организиран од Фондацијата „Стилијан Петров“, собра вкупно 348.447 евра за поддршка на болните од онколошки заболувања, јавува БНР.

Средствата ќе бидат наменети за помош на лица во Бугарија кои се борат со онколошки заболувања. Дел од сумата ќе биде доделена и на Комплексниот онколошки центар во Бургас, како и за поддршка на поранешните фудбалски репрезентативци Љубослав Пенев и Петар Хубчев.

Иницијативата го надградува првото издание од 2023 година, кога во Софија беа собрани 460.000 евра. Со тоа, вкупната сума собрана од Фондацијата „Стилијан Петров“ веќе надминува 800.000 евра.

Организаторите истакнуваат дека каузата продолжува и по фудбалскиот натпревар, а во следните недели ќе се одржи хуманитарна аукција со дресови и вредни сувенири од учесниците во „Мечот на надежта“.