Проф. д-р Ангел Димитров: Антибугарската пропаганда во Скопје потсетува на 40-тите години од XX век

Многу јасен знак за целокупната атмосфера во која, под влијание на пропагандата, се развива општествениот живот во Република Северна Македонија, и за односот кон Бугарија. Така во интервју за БНР проф. д-р Ангел Димитров го оцени палењето на два автомобили на бугарската амбасада во Скопје од почетокот на оваа недела.

Нема како надлежните служби во РСМ да не забележале што се случува со нашата амбасада, истакна тој во интервју за емисијата „Сабота 150“. Проф. Димитров обрна внимание на моментот во кој се случил инцидентот.

„Еден човек прави демонстративна акција против бугарската мисија. Тој веднаш е откриен и тоа се случува еден ден пред одлуката на Европскиот парламент за извештајот за напредокот на Република Северна Македонија. Во првиот случај се дава сигнал како обичните луѓе таму се фрустрирани од однесувањето на Бугарија кон РСМ и како протестираат, во случајов драстично. Но државата е „демократска“ и „ефикасна“ и многу брзо го решава прашањето.“

Антибугарската пропаганда никогаш немала слободен ден во Република Македонија, денешна РСМ, по 1944 година, посочи историчарот. „Во последно време оваа линија добива многу непријатна форма, која потсетува на заострените односи од крајот на 40-тите години.“

„Никој не сака да ја денационализира современата млада држава“, но политичарите во Скопје „ја преминуваат границата на иредентизмот и навлегуваат во агресивна националистичка логика и однесување“, предупреди проф. Димитров и посочи неодамнешна изјава во која премиерот на РСМ „зборува за македонскиот народ во Бугарија. Не малцинство – народ! Многу луѓе не си даваат сметка, а веројатно и тој не си дава доволно добро сметка, дека овој тип агресивно однесување нема да ги убеди партнерите во Европската унија и Соединетите Американски Држави.“

„Искрено се надевам дека господинот Мицкоски веќе има доволно политичко искуство за да разбере дека земјата е на крстопат. Крстопатот значи збунетост во насоката. Не гледам јасна идеја што сметаат да направат Република Северна Македонија и нејзиното политичко раководство. Да бидеш толку упорно против она што доаѓа како совет од Брисел, а не од Софија, значи дека самиот ѝ го вртиш грбот на точната насока на развој“, изјави проф. д-р Димитров.