Мултимедискиот проект „По трагите на епископ Јосип Јурај Штросмајер и неговите истомисленици“ ќе биде претставен во Софија

Мултимедискиот проект „По трагите на епископ Јосип Јурај Штросмајер и неговите истомисленици“ ќе биде претставен вечерва 23 јуни во Народното читалиште „Г. С. Раковски – 1925“ во Софија, соопштија организаторите од 33. Јазична гимназија „Света Софија“ во главниот град на Бугарија, пренесува БНР.

Проектот е дело на Народното читалиште „Г. С. Раковски – 1925“ во Софија и Бугарското неделно училиште „Иван Вазов“ во Загреб.

Проектот ја вклучува книгата „Сè за верата и за Татковината!“, документарен филм и фотоизложба и е реализиран во рамките на Националната програма „Нераскажаните истории на Бугарите“.

Една од водечките цели на проектот „По трагите на епископ Јосип Јурај Штросмајер и неговите истомисленици“ е зацврстување на бугарско-хрватските културни врски и придонесот на Бугарија кон европските културни вредности, велат од тимот.

Резултатот од заедничката работа е продлабочено истражување на животот, духовната и материјалната врска меѓу Хрватска и Бугарија преку ликот на Јосип Штросмајер и неговото современо значење за нашето национално наследство, дополнуваат организаторите.

Радио Бугарија ќе присуствува на настанот, за да раскажеме повеќе за проектот и невидливите нишки од минатото, кои ги поврзуваат двата балкански народа.