Цолов со двојна победа на „Силверстоун“

Никола Цолов оствари двојна победа на „Силверстоун“, откако по триумфот во спринтот ја освои и главната трка од викендот во Формула 2, јавува БГНЕС. Бугарскиот возач доминираше со одлична тактика и се зацврсти на врвот во генералниот пласман со 141 бод, пред Габриеле Мини, кој има 124.

Цолов стана првиот пилот со три последователни победи по Давиде Валсеки во GP2 серијата во 2012 година. Тој го повтори и достигнувањето на Луис Хамилтон, кој пред 20 години исто така победи двапати на „Силверстоун“ во еден викенд.

Во денешната трка Цолов имаше силен старт од третата редица, брзо напредуваше за три позиции, а потоа со подобро управување на гумите го стигна и го престигна раниот лидер Куш Мајни. На целта заврши со предност од 3,2 секунди пред Рафаел Виљагомес, додека трет беше Мајни.

Следната рунда од шампионатот ќе се вози за две недели на патеката „Спа“ во Белгија.