Стојанов: Расходите за одбрана во предлог-буџетот за 2026 година изнесуваат близу 2,7 милијарди евра, што е 2,15% од БДП на Бугарија

Расходите за одбрана во предлог-буџетот за 2026 година изнесуваат 2.692.810.500 евра, што е 2,15% од бруто домашниот производ (БДП). Ова го соопшти бугарскиот министер за одбрана Димитар Стојанов на седница на ресорната парламентарна комисија, јавува БТА. Министерот ги претстави параметрите на буџетот за одбрана пред бугарските пратеници, членови на комисијата. Прва точка на дневниот ред на Комисијата е предлог-буџетот за 2026 година.

Димитар Стојанов објасни дека предложените расходи за одбрана одговараат на Националниот план за зголемување на расходите за одбрана до 5% од БДП до 2035 година.

Планот е во исполнување на преземената обврска на Самитот на НАТО во Хаг во 2025 година за постепено зголемување на расходите за одбрана до 5% од БДП до 2035 година, од кои не помалку од 3,5% од БДП се за основни расходи за одбрана и до 1,5% од БДП — за инвестиции поврзани со одбраната и безбедноста.