Сè уште исклучени сите реактори на нуклеарката Запорожје

/

Од украинската електрична мрежа и понатаму се исклучени сите шест реактори на нуклеарката Запорожје, што се наоѓа во јужниот дел на Украина, соопшти државната нуклеарна компанија Енергоатом.

Украинските власти вчера информираа дека последните два реактори се исклучени поради пожар и оштетени далноводи. Се зголемија стравовите од можна несреќа бидејќи централата за првпат е исклучена од украинската електрична мрежа.

„Дејствувањето на окупаторот доведе до целосно исклучување на нуклеарната електрана од електродистрибутивната мрежа, за првпат во нејзината историја. Три далноводи на нуклеарката претходно беа оштетени за време на терористички акции на руските сили“, наведе Енергоатом.



Извор: zoom.mk

Претходна статија

Зеленски: За малку избегнат нуклеарен инцидент

Следна статија

Средба на министерката за одбрана Петровска со новоименуваниот амбасадор на Косово Ќехаја

Најново од Вести