Софија со летни програми за децата и отворени училишта за квартовите

Софија развива летни програми и иницијативи со цел да биде „град на децата“, изјави заменик-градоначалничката за образование, спорт и младински активности Десислава Желјазкова во интервју за дневниот весник „24 часа“.

„Нашата цел е децата да имаат исполнето и интересно лето, а родителите да добијат поддршка за време на распустот“, истакна Желјазкова.

Дел од оваа визија е иницијативата „Училиштето – срцето на квартот“, со која училиштата треба да станат отворени, модерни и мултифункционални простори за учениците и локалната заедница. Првите пилот-проекти ќе се реализираат во четири училишта во Софија и ќе опфатат модернизација на училишната база, дворовите и местата за активна рекреација и спорт.

Општина Софија нуди и летни програми за деца, меѓу кои „Летна грижа“, „Витоша за децата“ и „Учиме заедно“, со активности што вклучуваат спорт, креативни работилници, престој во природа и поддршка за детските градинки.

„Овие иницијативи ја претвораат Софија во град што мисли на своите деца во текот на целата година“, нагласи Желјазкова.