Софија обезбедува пари за нови возила во јавниот превоз
Општина Софија обезбедува пари за набавка на нови возила во јавниот превоз на бугарскиот главен град.
Планирана е испорака на 20 нископодни трамваи, 75 тролејбуси и 50 електробуси со инфраструктура за полнење. Вкупната вредност на договорите изнесува речиси 128,8 милиони евра без ДДВ.
Заменик-градоначалникот за транспорт Виктор Чаушев изјави дека мерката ќе овозможи продолжување на политиката за модернизација на јавниот превоз и изградба на поквалитетен транспортен систем во Софија.
Во извештајот се посочува дека обновувањето е неопходно, бидејќи само 67 од над 200 трамваи се во рамки на стандардниот 30-годишен рок на употреба.
