Јотова ги одликуваше бугарските спортисти со Даунов синдром
Претседателката на Бугарија Илијана Јотова им ја врачи Почесната плакета на претседателот на бугарските спортисти кои настапија на Светското првенство за атлети со Даунов синдром, одржано во јуни во Софија под нејзино покровителство, јавува БНТ. Наградата ја прими Радена Ангелова, капитен на бугарскиот тим.
„Вие сте хероите на Бугарија и се гордееме со вашите достигнувања“, им порача Јотова на спортистите, заблагодарувајќи им се и на тренерите за нивната работа.
На првенството учествуваа околу 400 спортисти од 27 држави. Бугарија беше претставена од 20 натпреварувачи во пет дисциплини, кои освоија вкупно 27 медали – 12 златни, шест сребрени и девет бронзени.
