Банско Опера Фест од 27 до 29 август со три фестивалски вечери
Од 27 до 29 август, Банско Опера Фест повторно ќе го претвори Банско во центар на класичната уметност. Фестивалот се одржува под покровителство на Општина Банско, во организација на Monte Productions, јавува Актуално.
Програмата ќе започне на 27 август со мјузиклот „Париската Света Богородица“, изведен на француски јазик со бугарски титлови, во продукција на Државната опера Варна.
На 28 август ќе биде изведена комичната опера „Дон Пасквале“ од Гаетано Доницети, под диригентство на Светослав Борисов и во режија на Сребрина Соколова.
Фестивалот ќе заврши на 29 август со оперско-оперетска гала со специјално учество на Орлин Павлов, заедно со солисти и оркестарот на Државната опера Варна.
И годинава ќе има придружни класични изведби пред Туристичкиот информативен центар и на плоштадот „24 Мај“. Во продажба се и ограничен број ВИП-места преку мрежата на Eventim.
