(Видео) Бугарската одбојкарска репрезентација со четири натпревари во Чикаго во рамки на VNL 2026
Бугарската машка одбојкарска репрезентација престојува во Чикаго, каде што ќе ја одигра последната натпреварувачка недела од Volleyball Nations League 2026. Натпреварите ќе се одржат во NOW Arena, на адреса 5333 Prairie Stone Parkway во Hoffman Estates, Илиноис.
Во пресрет на средбите, една од ѕвездите на бугарскиот национален тим, Мони Николов, упати специјално видеообраќање до бугарската заедница во Чикаго. Во пораката, објавена во контекст на активностите на Bulgarian Volleyball Federation, тој ги повика навивачите да присуствуваат на натпреварите и да ја поддржат репрезентацијата со бугарски знамиња, песни и навивање.
Видеото на својот Facebook профил го објави генералниот конзул на Бугарија во Чикаго Светослав Станков.
„Да ги исполниме трибините со бугарски знамиња, песни и силна поддршка. Секој глас е важен, а нашите момчиња заслужуваат да почувствуваат дека Бугарија е со нив, дури и на илјадници километри од дома. Да покажеме дека кога игра Бугарија, сите сме заедно.“, повика Станков.
Бугарија ќе одигра четири натпревари. Првиот е закажан за 15 јули, среда, во 12:00 часот против Полска. На 17 јули, петок, од 16:00 часот бугарската репрезентација ќе се соочи со Кина.
На 18 јули, сабота, во 20:00 часот Бугарија ќе игра против Соединетите Американски Држави, додека последниот натпревар е предвиден за 19 јули, недела, од 16:00 часот против Франција.
