Бугарски дипломати ја посетија редакцијата на интернет-порталот ФАР во Србија

Амбасадорот на Бугарија во Белград, Ангел Ангелов, новоименуваниот генерален конзул на Бугарија во Ниш Димитар Иванов и советникот во Амбасадата на Бугарија во Србија, Николај Величков, ја посетија редакцијата на интернет-порталот ФАР, јавува БНР.

Гостите беа пречекани од претседателот на Здружението „Емблема“, Славиша Миланов, и главниот уредник на ФАР, Петар Виденов. На средбата беа разгледани актуелната состојба на медиумската средина и улогата на ФАР како медиум што информира на бугарски јазик во Србија. Се разговараше за предизвиците со кои се соочува порталот, можностите за развој на информирањето на бугарски јазик и перспективите за идна соработка.

Посетата беше и можност екипата на ФАР да се запознае со новоименуваниот генерален конзул во Ниш, Димитар Иванов, кој неодамна ја презеде својата дипломатска мисија. Средбата помина во отворен и конструктивен дух, со заедничко разбирање за значењето на квалитетното информирање на бугарски јазик и поддршката на медиумите што работат во интерес на бугарската заедница во Србија, пренесува far.rs/bg.