Бугарската заедница во Канада ќе одбележи 60 години дипломатски односи меѓу Бугарија и Канада

Генералниот конзулат на Бугарија во Торонто ја повика бугарската заедница во Канада да се вклучи во одбележувањето на 60-годишнината од воспоставувањето на дипломатските односи меѓу Бугарија и Канада, јавува БТА.

Прославата ќе се одржи на 21 ноември во Торонто, под мотото „Бугарија и Канада – далечни и блиски“.

„60 години Бугарија и Канада – 60 години пријателство, партнерство и луѓе кои поврзуваат два далечни, но блиски света“, порачаа од бугарскиот Генерален конзулат.

Целта на иницијативата е да ги претстави бугарската култура, таленти и достигнувања во Канада и да ја обедини бугарската заедница во земјата. Поканети се бугарски организации, училишта, културни центри, уметници и млади таленти.

„Нека ја претвориме 60-годишнината од воспоставувањето на дипломатските односи меѓу Бугарија и Канада во празник на луѓето кои и денес ја градат оваа врска“, се наведува во објавата.