Младинскиот симфониски оркестар на ЕУ настапи на „Варненско лето“
Младинскиот симфониски оркестар на Европската Унија, под диригентската палка на Густаво Химено, на 18 август одржа концерт на јубилејното издание на Меѓународниот музички фестивал „Варненско лето“, јавува БТА.
На програмата беа „Песна за виолина и оркестар“ од „Бугарска свита“ на Панчо Владигеров, со солистот Марио Хосен, Концертот за виолончело и оркестар оп. 104 од Антонин Дворжак, со солистката Јулија Хаген, и Симфонијата бр. 6 од Антон Брукнер.
По силните аплаузи, Хаген како бис изведе дело од Џовани Солима заедно со виолончелистите од оркестарот.
Оркестарот е основан во 1976 година под раководство на Клаудио Абадо, а во 2026 година одбележува половина век постоење. Во актуелниот состав настапуваат и виолинистите Антон Георгиев, Вероника Владимирова и Јана Местдаг, која има бугарско потекло.
Концертот беше реализиран со поддршка на амбасадите на Шпанија, Германија и Словенија во Бугарија и со финансиска помош од бугарското Министерство за култура.
