Претседателот на Европскиот совет Антонио Кошта на 3 септември ќе го посети бугарскиот главен град Софија
Претседателот на Европскиот совет, Антонио Кошта, в четврток, на 3 септември, ќе ја посети Софија и ќе се сретне со бугарскиот премиер Румен Радев, соопшти Европскиот совет, пренесува БНР.
Посетата е дел од турнејата на Кошта низ главните градови на земјите членки на ЕУ. Истиот ден тој ќе ги посети и Романија и Грција.
Разговорите ќе бидат посветени на следниот буџет на ЕУ, националните придонеси, сопствените приходи на Унијата и подготовките за октомврискиот состанок на европските лидери. Бугарија е меѓу таканаречените „пријатели на кохезијата“, кои бараат доволно средства за намалување на регионалните разлики во ЕУ.
