Оригиналното знаме на „Железниот полк“ ќе биде изложено во Ќустендил

Ќустендил на 31 август ќе одбележи 140 години од формирањето на 13. пешадиски Рилски полк со свеченост на плоштадот „Велб’жд“, каде што ќе биде донесено оригиналното борбено знаме на полкот, јавува Пиринско.

Знамето, кое се чува во Националниот военоисториски музеј во Софија, е изработено во 1881 година, а во 1891 година го врачил кнезот Фердинанд I. Реликвијата поминала низ четири војни и никогаш не била заробена од непријателот.

Програмата ќе почне во 10:20 часот и ќе опфати воени маршеви, настап на Националната гардиска единица, помен за загинатите војници и положување венци пред споменикот на полкот. Ќе биде отворена и изложба со архивски фотографии и документи за неговиот борбен пат од 1886 година до Втората светска војна.

Одбележувањето е под покровителство на градоначалникот Огњан Атанасов, а го организираат Општина Ќустендил и Народното читалиште „Генерал Владимир Заимов 2013“.