100 години бугаристика – конференција и концерт на Универзитетот „Коменски“

Братислава на 15 и 16 октомври ќе биде домаќин на меѓународната научна конференција „Бугарско-словачки меѓукултурен дијалог“, посветена на 100-годишнината од почетокот на академското изучување на бугарскиот јазик на Универзитетот „Коменски“, јавува Радио Бугарија.

Конференцијата ќе се одржи на Филозофскиот факултет и ќе опфати теми поврзани со бугаристиката, јазикот, литературата, преведувањето, етнолингвистиката и културните врски меѓу Бугарија и Словачка.

Форумот се одржува под покровителство на деканот на Филозофскиот факултет, проф. Маријан Зоухар, и бугарската амбасадорка во Словачка, Снежана Јовева-Димитрова. Меѓу учесниците се научници и бугаристи од Словачка, Бугарија, Полска, Унгарија и Романија.

На 15 октомври, во рамките на јубилејната програма, бугарскиот вокален квартет „Светоглас“ ќе одржи концерт под наслов „Тајната на бугарската полифонија“.

Одбележувањето на јубилејот започна во септември со изложбите „Древните богатства на Бугарија“ и „Бугарски споменици под заштита на УНЕСКО“, кои се поставени на Универзитетот „Коменски“ до 15 октомври.