Милен Врабевски со донација за училиште во Бугарија по повод 100 години од неговото основање

Бугарскиот филантроп д-р Милен Врабевски донираше 13 компјутери за економската паралелка во училиштето во селото Волкосел, општина Сатовча, Бугарија, по повод одбележувањето на 100 години од неговото основање, јавуваат од Фондација „Бугарска памет“.

Врабевски присуствуваше на свеченоста по повод јубилејот, еден ден откако официјално го доби признанието „Почесен граѓанин на општина Сатовча“. Донацијата е наменета за подобрување на условите за настава и практична обука на учениците.

Фондацијата на Врабевски со години поддржува образовни активности во регионот, вклучително и бесплатни подготвителни курсеви за упис на факултет, стипендии за талентирани ученици и образовни посети на европските институции.

Според објавените информации, околу 120 лекари по потекло од Волкосел денес работат во Бугарија и во странство, а голем број млади луѓе од регионот се реализирале и како инженери, архитекти и други стручни кадри.

За време на посетата, Врабевски нагласи дека ќе продолжи да ги поддржува децата и младите од Родопскиот регион. Во рамките на образовните активности на фондацијата, нова група млади луѓе во недела ќе отпатува во Брисел за да се запознае со работата на европските институции.