Ученик од Бугарија освои прво место на конкурс за дигитална уметност создадена со вештачка интелигенција
Нико Петров Костев, ученик во четврто одделение во Средното училиште „Св. Кирил и Методиј“ во Симитли, Бугарија, освои прво место на конкурсот „Европска ноќ на истражувачите 2026“, организиран од Тракискиот универзитет во Стара Загора, јавува Пиринско.
Нико победи во категоријата „Дигитално творештво создадено со помош на вештачка интелигенција“ со своето дело на тема „Градот на иднината“.
Наградената творба прикажува футуристички град во кој современите технологии се поврзани со природата. Делото содржи облакодери со вертикални градини, соларни панели, зелени површини, електрични летала и модерен транспортен систем.
Градот го носи името „Стара Загора“, со што авторот ја поврзува својата визија за иднината со Бугарија.
Според организаторите, проектот се издвоил со оригиналноста, креативноста, естетската вредност и техничкиот квалитет.
Конкурсот е дел од иницијативата „Европска ноќ на истражувачите 2026“, во која учествуваат повеќе од 300 европски универзитети, а целта е поттикнување на интересот на младите за науката, технологијата и дигиталното творештво.
