Американски генерали и адмирали во Бугарија разговараа за безбедноста и одбранбената соработка

Американски генерали и адмирали, учесници во програмата „Капстоун“ на Националниот универзитет за одбрана на САД, се сретнаа со бугарското државно раководство за да се запознаат со безбедносните приоритети, одбранбените капацитети и регионалната улога на Бугарија, соопшти Амбасадата на САД во Софија.

Учесниците разговараа со претседателката Илијана Јотова, премиерот Румен Радев, заменик-министерот за одбрана Љубомир Монов и други бугарски претставници.

„Бугарија е стратешка станица за следната генерација високи американски воени раководители“, наведува Амбасадата во објавата.

Програмата „Капстоун“ ги подготвува новоименуваните американски генерали и адмирали за раководни функции во здружени и мултинационални операции.

Според Амбасадата, Бугарија нуди значајна перспектива за безбедноста во Црното Море, источното крило на НАТО, колективната одбрана и предизвиците со кои се соочува регионот.

Преку непосредните средби со бугарските политички и воени раководители, учесниците се запознаваат со приоритетите на клучен сојузник на САД и воспоставуваат професионални односи што го зајакнуваат американско-бугарското партнерство во одбраната, се наведува во соопштението.