Бугарското културно наследство ќе биде тема на меѓународен проект на шест земји

Бугарија и Украина на 10 ноември 2026 година во Киев разговараа за нови можности за соработка во областа на културата, археологијата и туризмот, вклучително и за промоција на бугарското историско и културно присуство во украинската престолнина преку иницијативата „Мултикултурен Киев“, соопшти бугарската амбасада во Кишињев на својата интернет-страница, пренесува БНР.

Разговорите се одржале на средба меѓу бугарскиот амбасадор во Украина, Златин Крстев, и претставничката на градската администрација на Киев, Лија Корниенко.

Посебно внимание било посветено на меѓународниот проект „Од Анадолија до Киев: Патиштата на настанувањето на триполската цивилизација“, кој предвидува соработка меѓу Бугарија, Украина, Турција, Грција, Молдавија и Романија во истражувањето и промоцијата на праисториското наследство и ширењето на раните земјоделски заедници од Анадолија кон Европа.

Амбасадорот Крстев го истакнал значењето на бугарското праисториско наследство, претставувајќи ја Варненската култура од бакарното време, позната по исклучителните златни археолошки наоди.

На средбата биле разгледани и можностите за организирање меѓународен научен симпозиум во Киев, развој на тематски туристички маршрути, како и размена на професионални искуства во обуката на туристички водичи и создавањето пристапна и инклузивна туристичка средина.