| |

Рама пред БНТ: Немаме проблеми со Бугарија, Бугарите треба да бидат вклучени во Уставот на Северна Македонија

„Немаме проблеми со Бугарија“, изјави албанскиот премиер Еди Рама во специјално интервју за Бугарската национална телевизија (БНТ). Според него, потребата Бугарите да бидат вклучени во Уставот на Северна Македонија произлегува од договорот меѓу двете земји, постигнат со француско посредништво.

„Пред три години разговаравме и ми рековте дека сте се спореле со бугарското раководство само за едно конкретно прашање, во еден многу специфичен момент. Гледате ли причина да спорите сега?“ го праша новинарот на БНТ, Бојко Василев.

„Не. Не, бидејќи тој момент, како што се сеќавате, беше поврзан со ситуацијата пред таканаречениот договор меѓу Бугарија и Северна Македонија, постигнат со француско посредништво. Сметам дека сега нема за што да спориме, бидејќи е сосема јасно дека бугарското малцинство треба да биде вклучено во Уставот на Северна Македонија. Таа потреба произлезе од договор меѓу двете страни“, одговори Рама.

Василев и Рама во интервјуто разговараа и за Балканот, за Европа и за протестите во Албанија. Целото интервју со Еди Рама ќе биде емитувано во петок во емисијата „Панорама“ на БНТ.

Слични Објави