ШЕФОТ НА КРИЗНИОТ ШТАБ ВО БУГАРИЈА: НЕ ОДЕТЕ НИКАДЕ ЗА ВЕЛИГДЕН И ЦВЕТНИЦИ
Ги повикуваме сите бугарски државјани да не ги празнуваат Велигден и Цветници. Сега не е време за одмор и празници!, изјави началникот на бугарскиот Кризен штаб против ширењето на коронавирусот, генералот Венцислав Мутафчиски на редовниот брифинг на ова вонредно тело.
„Не правете никакви резервации во хотели бидејќи ќе имате сериозен проблем, ќе се заразите таму. Не одете на црковни служби, бидејќи таму ќе се заразите. Останете дома и со семејството, без да се собирате, туку само со оние што живеете, прославете го празникот. Не се потребни излегувања и прошетки, всушност не е дозволено, истакна Мутафчиски.
Генерал Мутафчиски повторно истакна дека за моментот сите мерки што го превзема бугарската Влада со цел да го запре ширењето на Ковид-19 се добри и даваат резултат.
