БУГАРСКИ ПРАТЕНИК ТРЕБА ДА ПЛАТИ 25 000 ЕВРА КАУЦИЈА ЗАТОА ШТО НАПАДНАЛ СЛУЖБЕНО ЛИЦЕ И ГИ ПОВИКАЛ ЛУЃЕТО МАСОВНО ДА ОТИДАТ ВО ЦРКВА ЗА ВЕЛИГДЕН
Софиското обвинителство му одреди мерка за претпазливост на лидерот на проруската партија Атака, Волен Сидеров, заради нарушување на владините мерки во борбата против корона вирусот и закани врз обвинител и полицаец. На Сидеров му е одредена кауција во висина од 25 000 евра.
„На 14 .04 2020 година софиското обвинителство започна предмет против лицето Волен Сидеров заради закана кон обвинител и припадник на МВР. Во телевизиска емисија емитувана на 13.04 2020 година , Сидеров се заканил кон органите на власта со следните зборови: Да помислат тие што ми спремаат обвинение колку време ќе живеат. Тие што се сомелиле досега да работат против мене нема да ги биде.“
Против Волен Сидеров е покренато обвинение и заради тоа што попречил на униформено лице да му даде покана за информативен разговор во софиската дирекција за внатрешни работи.
