ЗАСЕГА НЕМА ОСЛОБОДУВАЊЕ ЗАТВОРЕНИЦИ, САМО СЕ ПРАВАТ АНАЛИЗИ
Министерството за правда разгледува повеќе сценарија и опции за состојбата во затворите, во контекст на кризата на коронавирусот, велат од институцијата за „360 степени“.
Во моментов е готова една анализа, каде меѓу сценаријата е разгледуван и потенцијален прекин на казните на ограничен дел од затворениците до 1 септември. Овој датум влегол во сценариото бидејќи Владата со Уредба со законска сила веќе го одложи извршувањето на упатните акти за издржување казна затвор до тој датум, освен за лицата кои во моментот на правосилноста на пресудата се во притвор. Неофицијално, првичните согледувања одат против таквата опција, но целиот процес е ставен на „стенд бај“, се додека не се добијат резултатите од тестирањата кои во моментов се вршат во затворот Шуто Оризари.
Официјално пак, министерката за правда Рената Дескоска сугерира дека одлука ќе се носи врз основа на мислењето на здравствените власти.
Целиот напис прочитајте го овде.
