Бесплатниот превоз за пензионери се врќа во вторник, петок, сабота и недела, ЈСП за ова ќе добие 650 илјади евра
Пензионерите во Скопје повторно ќе имаат бесплатен автобуски превоз во вторник, петок, сабота и недела. Оваа одлука треба да стапи на сила наредниот месец, а за таа цел од буџетот на Град Скопје ќе се дадат 650.000 евра субвенции на ЈСП „Скопје“, пишува СДК.мк
Бесплатниот автобуски превоз за пензионерите беше укинат лани во март поради пандемијата на ковид-19.
Оваа одлука за субвенционирање на претпријатието за да се воведе бесплатниот превоз треба да се гласа на седницата на Советот на Град Скопје в среда. Со одлуката се предлага бесплатен превоз преку цела недела како и до сега да продолжи да важи за редовни студенти на додипломски студии на државните универзитети.
