Академик Биолчев: Во себе ја имам и насмевката на светот, и трагедијата
Два романи на академик Бојан Биолчев беа претставени пред публиката во Враца на средба организирана од Регионалната библиотека „Христо Ботев“. Средбата беше дел од Деновите на отворени врати кои се посветени на 1 Ноември – Денот на народните будници, јавува БТА.
Првиот роман е „Преселбата“, кој раскажува за бегството на тракијските бегалци преку планината Странџа во градот Царево во 1913 година. Според академик Биолчев, основата на романот се приказните на шеснаесет старци од Царево, кои во моментот на бегството имале 6 години и нивната тешка вистина, која тие се охрабриле да ја споделат со него дури по долго запознавање.
„Овие луѓе ме научија да не бегам од вистината“ сподели академик Бојан Биолчев, додавајќи дека книгата е напишана 30 години по разговорите со нив и е објавена во 2018 година.
„Во себе ја имам и насмевката на светот и трагедијата“, рече тој и пред претставувањето на неговиот друг роман „Амазонката на Варое“.
Водител на средбата беше писателот, новинар и публицист Мартен Калеев. Тој раскажа за семејството на професорот, за неговиот дедо кој се дружел со Јане Сандански и Гоце Делчев. За тоа како самиот Димитар Талев кажал убави работи за првите раскази на младиот Бојан. Тој потсети дека на Антарктикот има врв наречен „Биолчев“, како и за универзитетската активност на академикот.
Во одговор на прашање од присутните, Бојан Биолчев раскажа и за своите искуства на Антарктикот додека бил дел од една од бугарските експедиции таму.
