Александар Николов втор најдобар одбојкар во светот за 2025 година-меѓу 10-те најдобри уште двајца Бугари

Ѕвездата на Кучине Лубе Чивитанова, Александар Николов, беше избран за втор најдобар одбојкар во светот за 2025 година во рангирањето на Volleyball World, јавува БГНЕС.

Николов имаше клучна заслуга за настапот на Светското првенство на Филипините, каде што Бугарија освои историско сребро. Тоа беше прво пласирање на „лавовите“ во финале за светската титула по 55 години.

Алекс стана и Најдобар реализатор на планетарниот шампионат, а на клупско ниво со Лубе триумфираше со Купот на Италија и стана вицешампион во домашното првенство.

Пред Николов се најде единствено Италијанецот Алесандро Микиелето – поранешен соиграч на Алекс, но сега член на италијанскиот шампион Тренто. Трет е уште еден претставник на „Скуадра адзура“ – Симоне Џанели.

Во Топ 10 во светот за годината има уште двајца Бугари. Братот на Александар Николов и прв разигрувач на Бугарија – Симеон, се најде на шестата позиција, а осми е капитенот на националниот тим Алекс Грозданов.

Десетката ја дополнуваат Јакуб Кохановски (Полска), Вилфредо Леон (Полска), Фабио Балазо (Италија), Јан Козамерник (Словенија) и Патрик Индра (Чешка).