Бугарија ќе испрати дипломатска нота до Амбасадата на САД во Софија за зајакнување на соработката во областа на пристапот до податоци за казнената евиденција

Бугарија ќе испрати дипломатска нота до Амбасадата на САД во Софија во врска со зајакнувањето на партнерството во областа на пристапот до податоци за казнената евиденција, како дел од мерките за исполнување на критериумите за приклучување на Бугарија кон Програмата за безвизно патување на САД. Ова произлегува од денешната одлука на бугарската влада.

Партнерството, чија цел е заштита на националната безбедност на двете земји, е поврзано со спроведување размена на информации меѓу надлежните институции.

Размената на информации за казнената евиденција на граѓаните е услов за државите кои сакаат да се приклучат кон Програмата на Соединетите Американски Држави за безвизно патување, воспоставена во 1986 година. Таа им овозможува на граѓаните на земјите вклучени во програмата да патуваат во САД без виза во период до 90 дена со цел туризам или бизнис, појаснуваат од владината прес-служба.