АЛЕКСАНДАР РУЖИН СЕ ПОБУНИ ПРОТИВ ИГНОРОТ НА НОВАТА ВЛАСТ- СПОРЕД НЕГО МЛАДИТЕ МАСОВНО РАЗМИСЛУВАЛЕ ЗА БУГАРСКИ ПАСОШИ

//

Активистот на Шарената револуција и член на тесното раководство на ЛДП, Александар Ружин преку својот профил се побуни против игнорантскиот однос на новата власт кон него и кон другите заборавени шарени револуционери.

Еве што напиша на својот профил Ружин:

„Барај ме од понеделник. Да поминат празници. После први. После референдумот. После претседателски избори. И оп, пола мандат помина“.

„Другари и другарки, во знак на револт, неисполнување на нашите барања и неостварување на ветувањата кон нас, предлагам профилните и насловните да ги вратиме од времето на отпорот и на револуцијата. Многумина “наградени и привилегирани” од страна на новата власт, воопшто немаат такви фотографии во нивните компјутери и телефони, затоа што не се појавиле на ниту еден сенароден собир, протестен марш или пак воошто учествувале на било кој настан организиран против власта на Никола Груевски. На тој начин ќе ги препознаеме и уште еднаш јавно поздравиме вистинските заборавени борци за слободна, европска и демократска Македонија. Борбата продолжува, нема тука да застанеме.
Алекс Ружин, 17.07.2018, Скопје, Македонија
Член на Централен одбор на Либерално Демократска Партија ЛДП “

„Читам едни кои се задоволни и кои се фалат секојдневно на соц. мрежи околу личните успеси, кои ги постигнале преку функциите што ги добиле од новата власт. Многумина од нив ми се добри пријатели и во приватниот живот и мило ми е што се среќни. Но другари, не заборавајте како се чувствуваат и оние од другата страна, кои се незадоволни и разочарани затоа што им било ветувано, а сеуште ништо не добиле! Седат дома и се нервираат. Деновите им се долги, за одмор сигурно немаат. Масовно размислуваат околу бугарски пасоши. Им се потсмеваат вмровци, па во помалите места и на улица не излегуваат. Е, мене и тие ми се пријатели, пијам кафе и со нив и ги слушам нивните маки. Меѓу нив, искрен да бидам, има многу поголеми борци и од некои од вас – наградените! Луѓе кои во буквална смисла 11 години рушеа режим. И не само со пенкало и на Фејсбук, туку и на улица. И без пари. И без било каков надомест. Од чиста идеологија. Од пуста желба за демократска држава. Сите заедно предводени од вас политичарите, го симнавме Грујо. Ни вие не можевте без нас, ни ние без вас. Долгот треба да се подмири другари. Крајно време е. Во спротивно, колку повеќе едните се фалат, толку другите се пофрустрирани и повредени. И ги губите. Полека, но сигурно, ќе го дочекате нивното “Auf Wiedersehen”….“





Претходна статија

НОВИТЕ КОНЦЕСИИ ГАРАНТИРААТ ЗАШТИТА НА РИБИТЕ ВО РИБОЛОВНИТЕ ВОДИ

Следна статија

GIF: КОГА ЌЕ СЛУШНЕШ ДЕКА БАБА ТИ ОД АВСТРАЛИЈА ТЕ СПОМНАЛА ВО ТЕСТАМЕНТОТ

Најново од Вести