АПЕЛАЦИЈА МУ ЈА НАМАЛИ КАЗНАТА НА КОЧАН, А НА АВИРОВИЌ МУ ДАДЕ УСЛОВНА

Aпелациониот суд Скопје известува дека, постапувајќи по кривичниот предмет  КЖ-1026/18, во јавноста познат како „Труст“ , по одржана јавна седница,  донесе пресуда со која жалбите на обвинетите Сеад Кочан  и Василије Авировиќ , делумно ги уважи на начин што ја преиначи првостепената одлука во делот на казната и обвинетиот Кочан го осуди на казна затвор во траење од 4 (четири) години и осум (осум) месеци, а на обвинетиот Авировиќ му е изречена алтернативна мерка условна осуда, така што му се утврдува казна затвор во траење од 2 (две) години и истовремено се определува дека утврдената казна затвор нема да се изврши доколку обвинетиот за време од 5 (пет) години по правосилноста на пресудата не стори ново кривично дело, се вели во соопштението на Апелација.