Атина ја поддржа Бугарија по нападите во Црното Море и бара виновниците да бидат казнети согласно меѓународното право

Грција целосно го поддржува повикот на Европската Унија за повторно воспоставување безбедно минување на трговските и товарните бродови во Црното Море, изјави премиерот Киријакос Мицотакис за грчките медиуми, пренесува БНР.

Министерството за надворешни работи во Атина ги осуди нападите со дронови врз трговски бродови во Црното Море, нагласувајќи ги ризиците што овие напади ги создаваат за човечкиот живот и безбедноста на пловидбата. Грчката дипломатија изрази солидарност со Бугарија и ја поздрави брзата реакција на бугарските спасувачки служби.

Грција бара виновниците за нападите да понесат одговорност и повикува на строго почитување на меѓународното право. Атина во октомври е привремен претседавач и со Советот за безбедност на ОН и предлага нападите во Црното Море да бидат разгледани во рамките на меѓународната организација.