Банско ги пушти сезонските карти по цените од минатата година
„Јулен“ АД ги пушти во продажба сезонските карти за лифтовите во ски зоната Банско, јавува БГНЕС.
Сезонските и целогодишните карти за сезоната 2025/2026 за Ски зона Банско можат да се купат по промотивни цени од денеска до последниот ден на месец ноември (вклучително) во продавниците MAXSPORT во Софија и Банско, како и на билетарниците на Јулен АД, кои се наоѓаат на почетната станица на кабинката во Банско.
Цените се исти како минатата година и важат само до 30.11.2025 (вклучително). Картата за сезоната останува 1700 лева, а за децата до 12 години – 900 лева.
