БНБ пушта во оптек златна пригодна монета „Св. Патријарх Евтимиј Трновски“
Бугарската народна банка од денеска пушта во оптек златна пригодна монета посветена на „Св. Патријарх Евтимиј Трновски“ од серијата „Бугарска иконографија“. Почетната продажна цена изнесува 2590 лева (1324,25 евра), јавува БГНЕС.
Монетата ќе се продава на касите на БНБ во Софија, при што секој клиент може да купи само една монета, било за себе или со нотарски овластено полномоштво за друго лице. Продажба нема да се врши на лица под 18 години.
До крајот на денот монетата ќе биде доставена и до неколку банки – „Инвестбанк“, „ПИБ“, „Тексим Банк“, „Токуда Банк“ и „Централна кооперативна банка“ – за продажба во нивните филијали.
