Борисов: Бугарија ќе се вклучи во процесот на обновување на Украина
Лидерот на партијата ГЕРБ, Бојко Борисов, на средба со амбасадорката на Украина во Бугарија, Н.Е. Олесја Илашчук, изјави дека Бугарија ќе се приклучи кон напорите за обнова на Украина, јавува БГНЕС.
Борисов нагласи дека неговата земја има капацитет да придонесе во повеќе сектори, меѓу кои енергетиката, трговијата и инфраструктурата.
„Разговаравме и за развојот на воените дејствија на територијата на Украина. Украина ја има јасната поддршка од Бугарија за нејзината европска перспектива“, истакна Борисов.
Бугарија веќе во неколку наврати изрази подготвеност да помогне и политички и економски во процесот на интеграција и закрепнување на Украина по руската агресија.
