БРИФ КАКО КУРИР ВО ВРЕМЕТО НА ГРУЕВСКИ: ОБЈАСНУВА КОЈ Е И КАКОВ Е ГЛАВНИОТ УРЕДНИК НА LA VERITA
Колегите од сајтот „Бриф“, кој е изразито провладин медиум се однесуваат како „Курир“ додека на власт беше Никола Груевски. Ако за колегите од Курир беше најнормално да „донесат вода од 5 извори, преку десет планини“ за да го исчистат образот на претходната владејачка гарнитура, денес истото се обидува да го прави „Бриф“ за сегашната.
Во материјал насловен „Кој е уредникот на „Ла верита“ контроверзен новинар со бројни пресуди за клевети и лажни вести?“ стои дека главниот уредник на „La Verita“ Маурицио Белпјетро e контроверзен новинар чија кариера е исполнета со низа контроверзи и судски случаи против него.
Весникот „La Verita“ стана познат на македонската јавност откако ги објави аудио и видео материјалите за случајот „Рекет“ и го постави под знак прашалник чесното работење на Катица Јанева како прв човек (веќе во оставка) на Специјалното јавно обвинителство.
