Бројот на жртвите во тешката сообраќајна несреќа на „Тракија“ се искачи на 13
Бројот на жртвите во тешката сообраќајна несреќа на автопатот „Тракија“ во Бугарија достигна 13, јавува БНТ. И покрај напорите на лекарите, во болницата „Дева Марија“ во Бургас почина 42-годишен маж од Елхово.
Повредениот бил примен во болницата во критична состојба, со тешки повреди. Медицинските екипи ги вложиле сите напори за да го спасат, но и покрај преземеното лекување, мажот починал.
Со неговата смрт, бројот на жртвите во тешката сообраќајна несреќа се искачи на 13.
