Бугарија и Чешка потпишаа седум договори за соработка во сферата на одбраната, медицинската индустрија и транспортот

Седум билатерални документи за соработка во одбраната, медицинската индустрија, бизнисот и транспортот беа потпишани на бугарско-чешкиот бизнис-форум во Софија, во присуство на премиерите на Бугарија и Чешка, Румен Радев и Андреј Бабиш, јавува БТА.

Меѓу договорите се меморандум меѓу AERO Vodochody и бугарското Министерство за одбрана за заедничко тестирање и сертификација на вооружени системи за авионот AERO L-39 Skyfox, како и договор меѓу SVOS и државната компанија „ТЕРЕМ ХОЛДИНГ“ за производство и одржување на оклопни возила MARS 4×4. Потпишан е и договор за набавка на осум електрични автобуси од SOR Libchavy за Општина Русе.

Радев изјави дека двете земји треба „да излезат надвор од трговијата“ и заеднички да развиваат технологии и индустриски производи. Според него, трговската размена меѓу Бугарија и Чешка се приближува до три милијарди евра, а чешките инвестиции во Бугарија надминуваат 500 милиони евра.

Бабиш рече дека очекува зголемување на деловната соработка и развој на заеднички проекти, посочувајќи го и значењето на нуклеарната енергетика.