Бугарија и САД разговараа за модернизацијата на бугарската армија и забрзувањето на заедничките проекти

Бугарскиот министер за одбрана Димитар Стојанов и американскиот помошник-секретар за војна задолжен за Европа и НАТО, Вилијам Џ. Капелети Помладиот, разговараа преку видео-конференциска врска за модернизацијата на бугарските вооружени сили и забрзувањето на заедничките проекти, јавува БТА.

Тие го разгледаа спроведувањето на првиот договор за набавка на авиони F-16 Block 70 и испораката на уште осум ловци од вториот договор.

Стојанов побарал да се разгледа можноста за набавка на половни авиони F-16 и за забрзување на испораката на вторите осум летала, која може да доцни до вториот квартал на 2030 година.

Американската страна изразила подготвеност да помогне во забрзувањето на проектите и во развојот на одбранбените способности на Бугарија. До целосното оперативно воведување на новите F-16, земјата ќе продолжи да ги користи авионите МиГ-29 за заштита на воздушниот простор.