БУГАРИЈА И ТУРЦИЈА СО НОВИ ПРОЕКТИ ВО ОБЛАСТА НА ТУРИЗМОТ
Бугарија и Турција ќе соработуваат во голем број нови проекти од областа на туризмот. Ова стана јасно по разговорот на турскиот министер за надворешни работи Мевлут Чавушоглу и премиерот Бојко Борисов во Владата на Република Бугарија. Туризмот беше наведен како област на соработка меѓу двете земји со голем потенцијал за развој.
Стабилниот и одржлив развој на билатералните односи со Турција е важен дел од надворешната политика на Бугарија, рече премиерот Бојко Борисов за време на средбата со Чавушоглу. Борисов го истакна интензивниот билатерален политички дијалог што го водат бугарската и турската страна, почитувајќи ги принципите на добрососедство и меѓусебно почитување. Според премиерот, неговата сегашна средба со Чавушоглу, на која му претходеше нивниот разговор во Давос, и неговата средба со турскиот претседател Реџеп Таип Ердоган на отворањето на Турскиот тек во Истанбул, се добра можност да се засили позитивната атмосфера во односите меѓу двете земји.
