Бугарија ќе стане дел од Украинската алијанса на одбранбени индустрии

Бугарија е една од земјите кои ќе се приклучат на новоформираната Алијанса на одбранбените индустрии. Ова стана јасно од традиционалното вечерно видео обраќање на украинскиот претседател Володимир Зеленски, јавува БГНЕС.

Украина ќе стане еден од клучните производители на оружје и одбранбени системи во светот, изјави украинскиот претседател Володимир Зеленски.

„И ова веќе не е само амбиција или перспектива, тоа е потенцијал кој веќе се реализира. Во моментов, мора да бидеме искрени, Украина е примател на безбедносна помош. Но, нашата земја може и ќе стане донатор на глобална безбедност, особено благодарение на нашата одбранбена индустрија.

Во алијансата ќе учествуваат вкупно 38 компании од 19 земји, чие создавање го најави Зеленски вчера во Киев за време на форумот за одбранбената индустрија. Меѓу нив, покрај Бугарија, Зеленски ги посочи уште Австралија, Белгија, САД, Велика Британија, Германија, Шведска, Данска, Северна Македонија, Словачка, Шпанија, Финска, Литванија, Латвија, Естонија, Хрватска, Чешка, Холандија, Канада . За време на форумот, украинските производители потпишаа 20 договори и меморандуми со партнерски компании, објави уште украинскиот претседател.

На истиот форум стана јасно дека во Украина започнала изградбата на фабрика за турските беспилотни летала Bayraktar. За завршувањето на фабриката ќе бидат потребни околу година и половина.