Бугарска полицајка доби престижна награда од канадската полиција во Торонто

Бугарката Марија Зашева е наградена со високо признание од полицијата во Торонто за спасување на животот на 20-годишно момче. Таа ја опишува полициската професија не само како наплив на адреналин, туку пред се како повик за спасување.

„Со колегата добивме повик во 5:30 часот наутро. Отидовме таму, ги вклучивме светлата, сирените. Мајката се обидуваше да му пружи прва помош. Жената беше доста под стрес. Прилично неуспешно му даваше прва помош, изјави Зашева за bTV.
„Ова беа моите најдолги седум минути во животот“, додаде таа.
„Добив сила од некаде што не можев да ја сопрам, дадов апсолутно се од себе. Продолжив да разговарам со него затоа што едно од правилата е во вакви случаи да разговарате со личноста, да кажете „Кажи ми нешто“, „Врати се“, „Остани со мене“, „Како се викаш“ – да го испровоцираш да каже нешто“, рече Зашева.

Зашева своето работно место го дефинира како „епицентар на криминалот“ во Торонто. И покрај тензичните ситуации со кои се соочува секој ден, таа ја сака својата професија. Долги години работи условен полицаец, каде луѓето со условни казни одат да се пријават. Сепак, патот од бирото до станицата се покажува дека не е баш така лесен .

„Многу е тешко да се стане полицаец. Има многу компоненти на испитот – логика, математика, физика, уште неколку нивоа. Ако паднеш на испитот, мора да помине една година за да може повторно да се пријавиш”, изјави Зашева, која е од градот Павел Бања, Стара Загора.

Полицајката е среќно мажена и има две деца. Покрај професионалните обврски, таа се занимава и со фолклорни танци, раководејќи ја танцовата група во Торонто. Таа заедно со своите колеги и пријатели изведуваат голем број концерти на бугарските празници 3 март, 24 мај, Божиќ итн.